LA MADÒNA DLA CISULÒINA DLA TÒRA
'T la cisa dla Tòra u j era na' Madòna 'd gran valòur,
ènca se niseun ui la feva a capoi coi ch'l'era staè e' pitòur,
la j era disigneda e culuraèda sòura 'na tavulèta 'd legn
e e paèr cla fos de' sì o setzent, 'd cvèst un gn'era però gnenca un segn,
pu, un bèl dè la j è sparoida cmè se fos na ròba pursì,
mo l'è sicheur ch'la né ciapaèda vi da par lì,
Pr'un po' ma la Tòra l'an s'è piò vesta
e va a capoi tè s'la j era andaèda in zoir a faè la turesta.
Un sabat matòina 't la saèla Gramsci de' nòst pajòis
u s'fa n'ardota, e' cumeun l'avòiva compar la Tòra e l'avòiva un bèl po' spòis,
a un zert peunt e ciapa la parola Fabio Ricci, eun di deu padreun de' palaz,
e us sfoga gend che ma leu i l'avòiva trataè pez d'un straz,
cmè s'l'aves leu arviné che casarmòun,
e invezi 'd cal bruteuri fati, la coipa la j era tota 'd cl'èlt padròun,
e i i giòiva ènca ch'l'avòiva rubé leu e' cvaèdar dla Madòna.
“Mo che ròba! - e giòiva - A ve pòs zuré sòura la mi ma e la mi nòna,
mè invezi e' cvaèdar a l'ò fat met a pòst da eun che sa faè sti laveur
e adès l'è duvò ch'l'è sempra staè, 't la cisa tacaè sò me' meur.
E av pòs doi – e get alzend la vòusa che tot il santes -
ch'a l'ò fat stimé e adès av degh cvant ch'e vaèl s'u s'vandes,
e' su prezi i m'l'à mes tra i trenta e i cvaraènta milieun,
e invezì e' lavòur a l'ò pagaè tot da par mè, un m'à aiuté niseun!
E adès la Madòna a la j ò mesa duvò ch'la j era sistimeda,
mè ma la Tòra ò sempra zarcaè 'd faè de' ben, dilt i la j à arvineda!”.
L'era un sabat matòina vers mezdè, ch'us finet,
't la nòta, la Madòna u n'aènta straèda la ciapet,
i la j à zarcaèda dimpartot, un po' 'd cva e un po' 'd là,
mo l'an s'è fata piò vdòi da stal paèrti che cva.
Un miraècval però cvèsta la l'à fat e un gn'è discusiòun,
sé, me' laèdar ch'u la j à rubeda e vandeuda m'un sgnuròun.
LA MADONNA DELLA CHIESETTA DELLA TORRE
Nella chiesa della Torre c'era una Madonna di gran valore,
anche se nessuno riusciva a capire chi era stato il pittore ,
era disegnata e dipinta su una tavoletta di legno
e pare fosse del sei o settecento, di ciò non c'era però alcun segno
poi, un bel giorno è sparita come fosse una cosa da niente,
ma è sicuro che non è andata via da sola certamente.
Per un po' alla Torre non s'è più vista
e va a capire tu se era andata in giro a fare la turista
Un sabato mattina nella sala Gramsci del nostro paese,
si fa un'assemblea, il comune aveva acquistato la Torre e alte erano le spese,
ad un certo punto prende la parola Fabio Ricci, uno dei due padroni del palazzo,
e si sfoga dicendo che l'avevano trattato peggio di un straccio da strapazzo
come se avesse rovinato lui quel casermone,
invece di tutte quelle brutture commesse, la colpa era dell'altro padrone,
e che addirittura dicevano che avesse rubato lui il quadro della Madonna.
“Ma che roba!”, diceva, “Ve lo posso giurare su mia mamma e mia nonna,
io invece il quadro l'ho fatto restaurare da uno che sa fare questo lavoro
ed ora è dove è sempre stato, nella chiesa appeso al muro.
E vi posso dire”, disse alzando la voce che da tutti lo si udisse,
“che l'ho fatto stimare e adesso vi dico quanto vale se lo si vendesse,
il suo prezzo me l'hanno fissato tra i trenta e i quaranta milioni,
il restauro l'ho pagato da solo, nessuno ha avuto tali intenzioni!”.
E adesso la Madonna l'ho rimessa dov'era da sempre collocata,
io alla Torre ho sempre cercato di fare del bene, altri l'hanno rovinata.
Era sabato mattina verso mezzogiorno, quando si terminò
nella notte la Madonna per un'altra strada se ne andò,
l'hanno cercata ovunque, un po' di qua e un po' di là,
ma non s'è più fatta vedere da queste parti qua.
Un miracolo questa l'ha fatto e non c'è discussione,
sì, al ladro che l'ha rubata e venduta ad un riccone!
Ultimi Commenti