An gn'è piò al mèzi stasòun - Niente più mezze stagioni

An gn'è piò al  mèzi  stasòun

Int che dè, guasi in caèv avroil,

al dis dla matòina, l'era un frèd da l'òs-cia:

“Oh, toh, l'è da stanòta che piov ròba strèta,

  la tramuntaèna da e' maèr la mogg

  e la s'infoila in tot i beus,

  mo pòrca putaèna, us bobla...!”.

“Ta me doi mu mè, ch'an stagh ben invel

 e ch'a j ò i pì ch'i taja, i dint i bat acsè fort

 ch'um  trema prinfena e' barbèt,

 a sò bèla mèza sadreda!”.

Sempra che dè, al trè de' dòpmezdè:

“Òs-cia  at fata zurnaèda 'd sòul

  ch'l'è scap fura da drì dal novli,

  adès s'è ch'us sta ben!”.

 “Ah sé, al sò e tot cmè ch'la va a finoi,

  da adès e taca la stasòun de' lamòint estoiv:

  oh, che caèld …us breusa...

  un s'arfieda...us seuda a stè firum,

  sté ma l'òmbra e nu andé in zoir

  che ma la straèda u j è al fiambi

  e sl'asfaèlt ch'e bòl, e bala la vècia!”.

E tot sta ròba int un dè:

l'è propi vèra sèl ch'us doi in zoir:

an gn'è piò al mèzi stasòun!

Niente più mezze stagioni

In quel giorno, quasi a fine aprile,

alle 10 del mattino, era un freddo cane: 

“Oh, toh, è da stanotte che piove nevischio,

  la tramontana dal mare ruggisce

 e si infila in tutti i buchi,

 ma porca puttana, si bubbola...!”.

“Lo dici a me, che non sto bene per niente

 e che ho i piedi gelati, i denti battono forte

 che mi trema persino il mento,

 sono oramai mezza assiderata!”.

Stesso giorno, alle quindici  pomeridiane:

“Orca che bella giornata di sole

 che è scaturita da dietro le nubi,

  adesso sì che si sta bene!”.

“Ah sì, so già come va a finire,

 ora inizia la stagione del lamento estivo:

 oh, che caldo... si brucia... 

 non si respira... si suda a star fermi,

 stiamo all'ombra e non andiamo in giro

 che in strada ci sono le fiamme

 e sull'asfalto che bolle, balla la vecchia!”.

E tutto ciò in un giorno:

è proprio vero ciò che si dice in giro:

non ci sono più le mezze stagioni!