Int e' melanovzentutaèntatrè u s'avòiva d'arnuvaè e cunsei dla Domus Pascoli e u l'avòiva da faè e' Cunsei Cumunaèl e l'era sicheur ch'us saria fat cmè da sempra: du cumunesta, un democris-cen, un sucialesta e un republicaèn, president eun di du cumunesta.
Fena 'd alòura a l'avòiva fat mè e' president, mo al ròbi u n'è ch'al fos andaèdi propi ben, a la fòin a simi arvenz in deu a ciapaè al decisiòun e snò dal volti in troi cvant ch'l'avnoiva e' democris-cen, e u j era di prublema gros ancòura da met a pòst.
A cvè bsògna daès 'na mòsa da bon e bsògna che int e' cunsei ui vaga zenta ch'j epa voja 'd daès da faè, sinò un s'cumbòina gnent, e' temp e pasa, la ròba la dventa sempra piò brota e vècia, i suld in gn'è e s'un s'fa un cunsei s'la grezia a cvè e va tot int E' fraz.
E us cmòinza cmè ch'e da sempra u s'era fat, i partoi ch'j era int e'cunsei de' cumeun, i s'incòuntra par decioid, mo stavolta u j è una nuvità, i democris-cen i vo e' president, parché, a santì lòu, j' avòiva salvaè la Domus, e cvèsta la j era propi bèla, deta da lòu pu la feva roid, parchè l'era cvei ch'i la vlòiva pasaè ma la paròchia, i vlòiva, insòma, ch'e dvantes 'na scola privaèda dla cisa. E i s'era impuntì a vlòi ch'sèl ch'i dmandaèva e chilt du partoi zet, acsè un s'va invel, bsugneva a ste peunt cambié incvèl s'u s'vlòiva che da bon u si ites drì a zarcaè 'd met 'na pèza e maèch mi guai piò gros.
Int t'j an ch'a s'era staè a lè a faè e' president, a m'n'un s'era infat ch'u j era 'd dal persòuni ch'agl'j avòiva voja 'd daè 'na maèna par risolv un po' 'd cvis-ciòun, sé, am sò det, a voi propi santoi sa lòu s'ai li stà, s'a gl'j aves voja 'd spend un po' de' su temp a mandaè avaènti la baraca.
A li ciap ona a la volta, e toti am doi 'd sé, adès bsògna ch'a purta sta prupòsta int e' partoi, parchè, gemla tota, a cvè us fa na mèza rivoluziòun, moiga brèti, cla zenta ch'a j ò capaè, né mè e né niseun e sa 'd che partoi ch'is sipa e né par coi chi vota o ch'j epa vutaè.
Det e fat, ohi, j è tot d'acord sa mè, Campaèna, e' nov sendich, u n'un vòid agl'j òuri, mo a 'd una cundiziòun, ch'ai staga ancòura mè 'd dròinta parchè a s'era staè mè a purtaè sta nuvità e alòura l'era giost ch'am ciapes sta respunsabilità.
“Va ben”, a j ò det, “sa soi cuntint vuilt, mè a m'un toir indrì, mo e' President u l'à da nominaè e' nov cunsei int la pròima riuniòun e lebar 'd capaè coi ch'i vo sgònd a lòu!”.
Sé, e va ben acsè, a sem tot d'acord e alòura us met sta ròba da discot int e' nov cunsei cumunaèl e avdirem sèl ch'e zuzed.
Mè cla sòira de' cunsei a ni sò vlu a gnenca andaè a avdòi cmè ch'l'andeva al ròbi, un steva ben vest ch'j avria zcòurs ènca 'd mè, mo e' casòin ch'e scupiet cvand ch'i prasentet sta nova, u s'è puteu lèz i dè dòp int i manifest sòura i meur de' pajòis.
Int e' cunsei cumunaèl republichen e sucialesta i vutet còuntra, i democris-cen, che cla sòira j era in troi, eun còuntra, e' sgònd u na vutaè e e' terz l'era d'acord.
E' manifèst di republichen de' dè dòp, l'era e piò catoiv, e doi ch'l'era cvei che cvant che e' su rapresentaènt int e cunsei dla Domus l'avòiva daè al dimisiòun, in gn'avòiva mes niseun int e' su pòst, insòma, u n'è ch'i j aves daè un gran pòis e la ròba piò curiòusa l'è ch'j avòiva scret ch'as simi mes d'acord s'la Dicì par “spartirsi le poltrone”.
Al pultròuni? A j arspundimi nòun: a lasò an gn'è al pultròuni, u j è snò scarani ròti da cundaè e a la svelta!
Int e' pròim cunsei de' nov cunsei dla Domus Pascoli, cvèl ch'u j era sobit da faè da faè, l'era 'd numinaè e' nov president, Franca, ch'l'era e' nov segretaèri, e get ch'e bsugneva faè la vutaziòun, mo tot ch'ilt cvatar, d'acord, i get ch'un gn'era bsògn, e' president a l'avòiva da faè mè parché a s'era e' piò espert vest ch'l'avòiva za fat 't j an pròima e a s'era mè cvèl ch'l'avòiva vleu sta nuvità, e acsè us faset.
Un po' 'd temp par capoi la situaziòun e pu e sobit a daès da faè e s'u 'na gran voja 'd faè ben, e' pansir piò gros l'era sempra cvèl de' ricovar d' vcieun, e steva sempra pez e nòun a cnimi ènca pagaè l'afet me' staèt, ch'l'era e' padròun e, ògni an, bsugneva invié i suld ma l'ufoizi dla Finaènza 'd Furlè ch'l'era cvèl ch'e feva la paèrta de' staèt padròun 'd tot cvèl ch'u j era a lè 'd tèra e 'd meur.
E s'andesmi a faè dò ciacri s'e' capuriòun? Cio, chisà ch'un s'daga 'na maèna a risolv un po' 'd cvisciòun pròima ch'e chesca tot incvèl matèra!
A ciapesmi l'apuntamòint e mè, Lello e Franca 'na bèla matòina andesmi a Furlè s'la speraènza 'd putòi risolv un po' la cvis-ciòun, antresmi 't l'ufoizi de' cmandaènt ch'l'era a lè ch'u s'aspitaèva, òs-cia s'l'era brot, nir cmé un africaèn e s'una zurma ch'ut feva sudiziòun, mè ai degh cmè che steva al ròbi e che e' ricovar l'era mes maèl parchè l'era ste fat int e' melanovzentvintzòicv e da alòura un gn'era staè fat mai un ben e maèl, e nòun a se sem truvaè acsè malardot e a n'avem i suld par cundaè i guast.
Burdel, ch'an l'aves mai det, se pròima e' cmandaènt l'era brot, adès e feva paveura da bon, e cmè ch'l'erva la bòca par zcòr, us dà tot la coipa ma neun: “Voi dovevate averne cura come un padre di famiglia come recita la convenzione contratta con lo Stato, se ora è messo male ne siete voi i responsabili e tocca a voi provvedere!”.
Franca e vlòiva doi cvaicosa, mo un po' par l'emuziòun e un po' ènca par la surpròisa 'd stal paroli, un gne la feva a s-cioi par ben e' zcòurs e acsè e gnurgneva ròbi ch'an s' capoiva propi ben e l'Intendent invezi e giòiva ch'e ridoiva cmè s'ul vles to in zoir, acsè che a un zert peunt, e sempra piò incazaè, u sa guardaè fes e l'à guasi rugeu ch'us mandaèva ma tot in galera.
E pez de' pez l'è staè cvant ch'u s'è arvolt vers 'd mè par dmandaèm cmè ch'a fimi a cundaè al ròbi cvant ch'al s'guastaèva che tanimodi vècc cmè ch'l'era 'd sicheur e capitaèva ch'al s' guastes. E me a j ò det e' vèra, che cvant che e' cumeun e deva mal ditti di laveur da faè, a dmandaèva me' sendich se putòiva mandaè cvaicadeun a daè 'na bòta mi guast piò gros.
Os-cia burdel, ch'an l'aves mai det, guasi e ruget e' capuriòun: “Questa si chiama: distrazione di fondi, sapete che potrei denunciarvi e farvi avere grossi guai a voi e al vostro Sindaco?”.
Ah, propi un bèl lavòur a simi andaè par denunzié e' staèt ch'un feva gnent par daès 'na maèna e u ni vo gnent che adiriteura a finema in galera in cunpagnì de' sendich ch'un sa gnent 'd sta ròba, mo di tè s'avem fat un bèl lavòr a vnoi a cvè?
Avem zarcaè cmè ch'a putimi 'd calmaè agl'j acvi e la fòin al ròbi al s'è un po' smorti, mo a sem arturné a caèsa cmè di chen ch'i li aves ciapi 'd brot, a simi andé a là par cantaèli e invezi a li avem ciapi e ad brot!
Sè, mo la guèra l'an fines a cvè, bsògna ch'an strulghema sobit un'aènta, avem da faè un pat s'e' Staèt, nòun a tulem un mutuo s'la baènca par vòint an ch'al paghem sa chi suld dl'afet, bsògna però che da clèlt caènt i sipa d'acord. Sè, sé, us po' pruvaè, l'ucasiòun la j è, a Furlè e ven e' minestar dal finaènzi Fantozzi a inauguré la nova sede dla Camera di Commercio, s'us dà 'na maèna l'avucaèt Pinza, ch'l'è ènca onorevole 't e' parlamòint a Roma, a putem andaè a zcòr sa leu e presantaèi e' nòst prugèt.
Dai alòura, pruvema ènca cvèsta, andem pròima da Alfonso che e lavuraèva int e' steudi 'd Pinza, leu ui fa present e' nòst bsogn e un dòpmezdè mè e Germano avem un apuntamòint se' minestar. Andem Furlè s'la mi machina, u j è d'aspitè un bèl po', mo a la fòin a sem int una cambartòina se' minestar, ai racuntem par foil e par segn e' nòst prugèt, leu e sta da santoi, us fa i cumplimoint per la bèla ideia e pu us fa seri e senza a gnenca guardaès int la faza, us doi: “Chiedetemi di fare un legge sul fisco, faccio prima e meglio!”.
Nòun deu avanzem a lè cmè du pataca senza savòi ch'sèl doi, alòura us fa avaènti Pinza: “Ma cosa dici? Tu sei il ministro, puoi decidere come e cosa fare...!”
“Sì, sono il Ministro, ma sono nelle mani dei burocrati, per approvare un piano del genere dovrei scontrarmi con non so quanti uffici e impiegati e sono certo che non arriveremo mai a nulla, sai quante cose vorrei fare, ma trovo sempre dei muri invalicabili!”.
Alè, ènca cvèsta la j è bruseda, s'avemi da faè? Cio, stema in urècia, e nu smitema mai 'd pansaè m'una suluziòun, dai e dai cvaicosa e pò ès che vegna fura!
Nel 1983 si doveva rinnovare il Consiglio della Domus Pascoli ed era facoltà del Consiglio Comunale, pertanto, era certo, che si sarebbe proceduto come sempre: due comunisti, un democristiano, un socialista e un repubblicano, Presidente uno dei due comunisti.
Sino ad allora avevo ricoperto io la carica di Presidente, ma le cose non erano andate proprio a meraviglia, alla fine del mandato eravamo rimasti in due a prendere decisioni e solo a volte in tre, quando veniva il democristiano, e i problemi erano ancora enormi e tutti da risolvere, A mio avviso qui occorreva un Consiglio formato da persone che avessero la volontà di adoperarsi seriamente altrimenti non si combinava niente e andava tutto in rovina con lo scorrere del tempo, le strutture diventavano sempre più vecchie e fatiscenti, le risorse finanziarie mancavano totalmente e se non si costituiva un Consiglio efficiente, qui andava tutto in malora.
E si inizia con le procedure da sempre attuate, i partiti si incontrano per decidere, ma stavolta c'è una novità, i democristiani reclamano la Presidenza, perché, a loro dire, avevano salvato la Domus, e questa era proprio un curiosa novità, detta da loro poi faceva ridere, in quanto erano loro quelli che la volevano attribuire alla parrocchia, intendevano, in definitiva, che si trasformasse in una scuola privata cattolica. Ed erano fortemente determinati ad ottenere ciò che richiedevano e gli altri due partiti muti, così non si arriva da alcuna parte, a questo punto è necessario cambiare ogni cosa.
Negli anni in cui avevo svolto la funzione di Presidente, mi ero accorto che c'erano delle persone che avevano la volontà di attivarsi per risolvere alcune questioni relative all'Ente, sì, mi son detto, voglio proprio fare un tentativo per accertarmi se sono disponibili.
Li contatto uno per volta e tutti mi offrono la loro disponibilità, adesso occorre che porti questa proposta all'attenzione del mio partito, perché, siamo realisti, ora si tratta di attivare una mezza rivoluzione, mica fantasie. Quella gente che ho individuato, né io, né nessun altro sa a che partito appartengano, né per chi votano o per chi abbiano votato in passato.
Detto e fatto e, incredibile, sono tutti d'accordo con me, Campana, il nuovo Sindaco, ne è entusiasta, vuole procedere immediatamente, ma pone una condizione, che nel nuovo Consiglio sia presente anch'io, perché ero l'ideatore di questa scelta di novità ed allora era necessario che me ne assumessi la responsabilità.
“Va bene”, ho risposto, “se così ritenete, io non mi tirerò di certo indietro, ma il Presidente lo deve nominare il Consiglio della Domus nella sua prima riunione!”.
Allora si fa così e questa nuova proposta si porrà in discussione nel prossimo consiglio comunale e si vedrà come verrà accolta.
A quella seduta del Consiglio io non ho voluto partecipare per accertarmi di come procedevano le questioni, non era opportuno visto che avrebbero discusso anche di me, ma lo sconcerto che scoppiò alla presentazione di questa novità, lo si è potuto leggere il giorno successivo nei manifesti appesi sui muri lungo le vie del paese.
Nel seduta del Consiglio Comunale repubblicani e socialisti votarono contro, i democristiani, che quella sera erano presenti in tre, uno votò contro, il secondo si astenne e il terzo a favore.
Il manifesto dei repubblicani del giorno successivo, era il più polemico, e dire che erano coloro che quando il loro rappresentante nel consiglio della Domus si dimise, non lo sostituirono con un altro, insomma non è che avessero valutato la cosa con molta serietà e l'affermazione più stravagante era che avevano scritto che ci eravamo accordati con la Dicì per “spartirci le poltrone”.
Le poltrone? Rispondevamo loro: lassù non ci sono le poltrone, ci sono solo sedie rotte e da riparare!
Nel primo consiglio all'ordine del giorno vi era la nomina del nuovo Presidente, Franca, che era il Segretario di fresca nomina, disse che bisognava procedere per la votazione, ma gli altri quattro all'unanimità affermarono che non serviva, il Presidente dovevo farlo io perché ero il più esperto visto che l'avevo già svolto negli anni precedenti e poi ero colui che aveva ideato e voluto questa rivoluzione, all'unanimità così si decise di procedere.
Un po' di tempo per rendersi conto della situazione e poi subito a darsi da fare, il pensiero più impellente era sempre quello del ricovero anziani, peggiorava continuamente e noi eravamo costretti a pagare un canone d'affitto allo Stato, che ne era il proprietario, ed inviare l'importo all'ufficio della Finanza di Forlì.
E se ci recassimo a fare due chiacchiere con l'Intendente? Può anche darsi che ci dia un aiuto!
Prendemmo un appuntamento ed io, Lello e Franca ci recammo a Forlì, entrammo nell'Ufficio dell'Intendente che ci attendeva, accidenti se era brutto, scuro come un africano e con uno sguardo cupo da metterti in soggezione, io gli racconto come stanno le cose e che il ricovero è messo male perché è stato edificato nel 1925 e da allora non è stato più ristrutturato e noi non abbiamo disponibilità economiche per intervenire e riparare i guasti.
Ragazzi, non l'avessi mai detto, se prima era brutto, ora metteva proprio paura, e attribuiva tutte le colpe a noi: “Voi dovevate averne cura come un padre di famiglia, se ora è messo male, ne siete i responsabili!”.
Franca voleva obiettare qualcosa, ma non riusciva a proferire le parole e così blaterava suoni incomprensibili che l'Intendente percepiva come risate e ad un certo punto, e sempre più adirato, ci fissa negli occhi e urla che ci fa finire tutti in galera.
Al termine dell'incontro i fatti si sono un po' chiariti e rasserenati, ma noi siamo ritornati a casa con l'aria di cani bastonati, eravamo andati là per cantargliele chiare e c'è mancato poco che non finissimo noi in cella, cose da pazzi!
Sì, ma la guerra non finisce qui, per cui ce ne inventiamo subito un'altra: occorre fare un accordo col lo Stato, noi perfezioniamo un mutuo bancario della durata di venti anni e per estinguerlo lo faremo coi soldi dell'affitto che paghiamo appunto allo Stato, occorre però che la controparte sia favorevole. Sì, sì, si può tentare, l'occasione c'è, a Forlì viene il Ministro delle finanze Fantozzi per inaugurare la nuova sede della Camera di Commercio, se ci dà un aiutino l'avvocato Pinza, che è pure deputato, possiamo andare a parlare con lui e presentargli il nostro progetto.
Via allora, tentiamo anche questa, ci rechiamo prima da Alfonso che lavorava nello studio di Pinza, lui gli farà presente la nostra necessità ed un pomeriggio qualsiasi della settimana, io e Germano abbiamo un appuntamento col Ministro.
Ci rechiamo a Forlì con la mia automobile, c'è da attendere, ma al termine delle cerimonie, ci ritroviamo in un cameretta col Ministro, gli raccontiamo per filo e per segno il nostro progetto, lui ci ascolta con attenzione, si complimenta con noi per la bella idea, poi si fa serio ed esclama: “Chiedetemi di fare un legge sul fisco, faccio prima e meglio!”.
Noi due rimaniamo immobili e stupiti senza sapere cosa obiettare, allora si fa avanti Pinza: “Ma cosa dici? Tu sei il Ministro, puoi decidere cosa fare...!”
“Sì, sono il Ministro, ma sono nelle mani dei burocrati, per approvare un piano del genere dovrei scontrarmi con non so quanti uffici e impiegati e sono certo che non arriveremo mai a nulla, sai quante cose vorrei fare, ma trovo sempre dei muri invalicabili!”.
Purtroppo anche questa idea è bruciata, ma cosa possiamo fare? Ebbene, stiamo in allerta, chissà, qualcosa può darsi che spunti fuori!
Ultimi Commenti